Në pikën e kalimit të Qafë Thanës punohet me personel të reduktuar nga pala maqedonase.
Kjo bëjnë me dije burime të siguruara pranë drejtorisë vendore të kufirit dhe migracionit, ka ardhur për shkak të mungesës së personelit periodik nga ana e policisë maqedonase.
Në kishte të tilla, bën me dije burimi, i kemj kërkuar autoriteteve maqedonase të shtojë personelin e tyre kryesisht në fundjavë kur dhe fluksi i lëvizjeve në dy anët e kufirit është më i madh.
Në pjesën më të madhe policia e vendit fqinj është përgjigjur duke sjellë personel të kontrollit policor nga policia e aeroportit të Ohrit por kjo gjithnjë sipas të njëjtit burim nuk është zgjidhja.
Në anën tonë të kufirit janë 5 korsi në hyrje, 4 për automjete të vogla dhe një për kamionët. Në pjesën më të madhe të ditëve të javës lëvizja e mjeteve bëhet në dy korsi për mjetet e vogla dhe një për mjetet e tonazhit të rëndë, ndërsa dy korsi të tjera për mjetet e vogla nuk funksionojnë për mungesë të personelit maqedonas. Përjashtim bëjnë vetëm ditët e fundjavës por nga ana tjetër edhe policia jonë kufitare për të përballuar fluksin e lëvizjeve, zgjat orët e shërbimit të policisë sonë
