Këshilli i Bashkisë Maliq mbajti mbledhjen e radhës, ku u shqyrtuan dhe miratuan një sërë çështjesh të rëndësishme për zhvillimin e bashkisë dhe përmirësimin e kushteve të jetesës për qytetarët.
Ndër pikat e rendit të ditës këshilltarët diskutuan edhe për miratimin e përfituesve nga programi i subvencionimit të interesave të kredisë për strehim, një nismë për lehtësimin e kushteve të jetesës për qytetarët.
Në këtë pikë të rendit të ditësh kryebashkiaku Gëzim Topçiu bëri apel për shpërndarjen e informacionit të duhur për të gjithë qytetarët të cilët mund të kenë dëshirë të përfitojnë nga subvencionimi i interesave të kredisë për blerjen e një banese brenda territorit të kësaj bashkie.
Të tjera pika të rendit të ditës kanë qenë miratimi i ndihmës ekonomike për muajin tetor 2024, e cila do të ofrohet deri në masën 6% të fondit të dedikuar, dhënia e ndihmës financiare për një familje në nevojë, përmes një fondi të dedikuar për mbështetje urgjente, dhënia e ndihmës financiare për një familje në fshatin Pocestë, pas një zjarri tragjik që i shkrumboi shtëpinë, miratimi i dokumentit të politikave dhe planit të aktiviteteve për vitin 2025, duke përfshirë edhe planin e konsultimeve publike dhe buxhetin për periudhën janar-dhjetor 2025 etj.
