Mbi 1600 mësues janë bërë pjesë e trajnimeve që po zhvillohen në universitetin e Korçës në kuadër të programit kombëtar të zhvillimit profesional të mësuesve, qëllimi i të cilit është përmirësimi i cilësisë në arsimin parauniversitar. Ky program përfshin disa komponentë që lidhen veçanërisht me ndryshimet në fushën e teknologjisë.
Programi është hartuar nga Ministria e Arsimit dhe Sportit në bazë të nevojave që janë identifikuar tek punonjësit në sitemin arsimor.
Programi gjithashtu përfshin një kornizë të re të kualifikimit për mësuesit, duke u ofruar atyre mundësinë të zhvillohen profesionalisht dhe të përmirësojnë praktikat e tyre mësimore.
Ky program kombëtar i iniciuar nga Ministria e Arsimit dhe Sportit vjen si bashkëpunim me Drejtoritë Rajonale të Arsimit Parauniversitar dhe universiteteve publike në vend përmes Qendrave të Formimit të Vazhduar. Programi do të shtrihet deri në vitin 2025.
