Komisionet nuk do të zhvillohen dhe për këtë japim gjithçka – thanë deputetët e PD, e për këtë janë gati të shtyjnë, godasin e përplasin jo vetëm gardën e policinë por dhe vet kolegët e tyre deputetë
Milva Ikonomi është shtyrë e goditur sot nga deputetët e opozitës
Për këtë ka reaguar dhe kreu i grupit parlamentar socialist Niko Peleshi
Pas përpjekjeve të dhunshme të Partisë Demokratike për të penguar punimet e seancës plenare dhe sulmet me molotov ndaj institucioneve, sot është tejkaluar çdo kufi me cënimin fizik të deputetes së mazhorancës, Milva Ekonomi, nga deputetët e përjashtuar të opozitës, Xhelal Mziu dhe Ina Zhupa. Opozita po tenton të sjellë krizën e vet edhe në Kuvend. Dhuna ndaj deputetëve, stafit të Kuvendit, Gardës apo Policisë është absolutisht e papranueshme dhe e dënueshme.
I bëjmë thirrje deputetëve të Partisë Demokratike të rikthehen në rrugën e arsyes dhe të dialogut. Dhuna dhe përpjekjet për të bllokuar punën e Kuvendit nuk i shërbejnë as qytetarëve, as demokracisë.
