Një mbledhje jashtë radhe është mbajtur nga Këshilli bashkiak i Korçës, ku janë miratuar bursat për nxënësit e arsimit parauniversitar për vitin shkollor 2024-2025. Për këto bursa, kanë qenë 617 aplikime në total, 519 për arsimin bazë shkollat 9-vjeçare dhe 98 aplikime për arsimin parauniversitar dhe kanë arritur të fitojnë duke plotësuar dokumentacionin e kërkuar 350 aplikantë ku 256 i përkasin shkollave 9-vjeçare të bashkisë së Korçës dhe 94 gjimnazeve të përgjithshme.
Masa e bursës që jepet është 332.7 lekë në ditë dhe kjo bursë përfitohet sipas frekuentimit. Nga komisioni i hartimit të relacionit është bërë me dije se kemi të bëjmë me një bashkëpunim shumë të rëndësishëm ndërinstitucional, ku Ndërmarrja e shërbimeve mbështetëse të arsimit dhe çerdhes për bashkinë e Korçës, ka një bashkëpunim shumë të mirë me drejtoritë e shkollave 9-vjeçare dhe gjimnazeve ku merr informacionin e kërkuar jo vetëm për plotësimin e dokumentacionit por edhe për frekuentimin, i cili është një informacion që jepet edhe nga mësuesit kujdestarë të gjitha shkollave.
Kriteret skualifikuese janë 3, në rastet kur nxënësi është i ndarë nga trungu familjar, nëse familjet e tyre ushtrojnë veprimtari private dhe nëse deklarohen mbetës apo përsëritës dhe humbasin vitin për shkak të rezultateve jokaluese. Në relacionin e kësaj mbledhje ishin vendosur edhe listat emërore të nxënësve që plotësuan kriteret për të përfituar bursë sipas shkollave dhe klasave
