Bashkia Devoll ka ndezur dritat dekorative në qytetin e Bilishtit, duke nisur kështu festimet për festat e fundvitit.
Me një atmosferë të ngrohtë, qytetarë dhe fëmijë të shumtë janë mbledhur në pedonale për të pritur ndezjen e dritave, duke numëruar mbrapsh së bashku.
Në fjalën e tij, kryetari i bashkisë Devoll, Eduard Duro, ka uruar për festa të begata e të lumtura për çdo familje.
“Si çdo 6 Dhjetor, ne mblidhemi së bashku për të ndezur dritat e festave të fundvitit. Uroj që festat të jenë të mbara, të begata e të lumtura për çdo familje të Devollit.”
Ngrohtësia dhe atmosfera festive u ndje përgjatë kësaj pasdite, nën muzikën e performuar nga artistët e Devollit, ku edhe fëmijët kanë kërcyer e shijuar mes njëri tjetrit momentet e bukura të kësaj dite.
