Në Floq të Korcës/ Pensionistët ofrojnë pensionin për asfaltimi ne rrugë
Fshati Floq i Korçës duket se prej vitesh nuk ekziston në hartën e shtetit sa i përket investimeve për shërbimet bazike sidomos në infrastrukturë.
Me qindar familje të fshatit kanë emigruar jashtë shtetit, ndërsa ata pak të moshuar që kanë mbetur në fshat jetojnë si në mesjetë, pasi fshati nuk ofron asgjë për ta, përvecse pluhurit në verë dhe baltës në dimër.
Gjatë dimrit fshati thuajse përjeton izolim të plotë pasi ngricat në rrugë e bëjnë të pamundur kalimin e banorëve.
Të moshuarit kanë arritur deri atje sa thonë se atë pak pension që marrin janë të gatshëm ta japin për ta asfaltuar rrugën, pasi në raste emergjence shëndetësore ambulanca e ka të pamundur të shkojë.
Floqi si fshat u njoh më tepër nga fatkeqësia natyrore e tërmetit të qershorit të vitit 2019. Pas kësaj fatkeqësie institucionet shtetërore akorduan disa fonde për banesat të cilat u shkatërruan nga fenomenin natyror.
Por sot familjet që jetojnë ende në Floq problem kryesor kanë infrastrukturën për të cilën ankohen vazhdimisht, zgjidhja e të cilës do ti mbajë ata në fshat ose në të kundërt edhe këta pak që kanë mbetur do ngarkojnë rrobat dhe do të ikin një ditë. Prandaj Bashkia e Korçës duhet që në raste të tilla ta shtrijë vëmendjen e investimeve edhe pak më larg sesa qendra e qytetit.
