Romina Kuko, kandidate për deputete e Partisë Socialiste në qarkun e Korçës, ka ndarë eksperiencën e saj për karrierën dhe përfshirjen në politikë gjatë një intervistë në Podcastin “Flasim” të kryeministrit Edi Rama. Ajo ka përshkruar rrugëtimin e saj profesional, duke filluar nga studimet për psikologji në Angli dhe angazhimin në Ministrinë e Mbrojtjes, ku u mor me reformën në sistemin e sigurisë dhe Policinë e Shtetit.
Kuko theksoi se ftesa për të qenë zv/ministre në vitin 2017 ishte një moment kyç në jetën e saj dhe një mundësi e jashtëzakonshme. Ajo e përshkroi këtë periudhë si një kohë të mbushur me sfida dhe përpjekje, ku përveç vështirësive dhe kritikave, ajo ka pasur një angazhim të fortë për të forcuar veten dhe për të kuptuar më mirë nevojat e qytetarëve.
Në këtë intervistë, Kuko theksoi gjithashtu se rikthimi i saj në listën e PS-së për qarkun e Korçës është një moment i rëndësishëm, ku ajo kthehet në vendin e saj, duke shpresuar të vazhdojë punën dhe angazhimin për të përmirësuar jetën e qytetarëve të këtij rajoni.
Romina Kuko: Studiova për psikologji në Angli. Nisa punë tek Ministria e Mbrojtjes. Jam marrë me reformën në sistemin e sigurisë, Policinë e Shtetit. Më 2017 erdhi ftesa për të qenë zv ministre. Besoj se është gjëja më e mirë që më ka ndodhur.
Ka pasur shumë mund e baltë, por edhe një zbor i brendshëm për të forcuar veten dhe për t’u bindur më shumë se kë duhet të ndihmosh. Tani rikthehem në listën e Korçës, në vendin tim.
