Studentët dhe nxënësit rom dhe egjiptianë kanë mundësi të aplikojnë tashmë për t’u bërë pjesë e projekteve TER-ALB-02 dhe SEC-ALB-02 për të përfituar bursa studimi. Për nxënësit e gjimnazeve janë parashikuar të ndahen 89 bursa me vlerë prej 450 euro dhe pët studentët, 59 bursa me vlerë 800 euro.
Drejtuesi i Organizatës Roma Versitas Albania në Tiranë Emiliano Aliu bën me dije se në faqen zyrtare në rrjetin social facebook janë publikuar të gjitha kriteret që duhet të plotësohen dhe si linqet përkatëse ku mund të kryhet aplikimi, afati i të cilit është deri në datën 1 dhjetor.
Për të gjitha aplikimet që do të vlerësohen të suksesshme do të zhvillohet më pas intervistimi në zyrat e Roma Versitas Albania në Tiranë. Aliu thekson se këto janë kursa meritokracie dhe do tju jepen nxënësve dhe studentëve në bazë të vlerësimit të ecurisë në shkollë apo universitet dhe frekuentimit.
Projekti shtrihet në qytetet Tiranë, Elbasan, Vlorë, Gjirokastër, Shkodër dhe Korçë ndërkohë për apliantet vajza ka një përjashtim pasi ato mund të aplikojnë edhe nga qytetet e tjera.
Përveç burasve, do të ofrohen edhe mentorime e leksione suplementare individuale për lëndë të ndryshme, kurse online të aftësismit digjital, seminarë si dhe punësim nëpërmjet përfshirjes në praktika me pagesë, formim profesional dhe partneritet me kompani apo institucione.
