Specialistët për Hetimin e Krimeve në Komisariatin e Policisë Korçë kanë referuar materialet në Prokurori, duke filluar procedimin penal për 10 shtetas të dyshuar për organizimin e lojërave të fatit në mënyrë të paligjshme.
Të proceduarit, shtetasit G. K., K. D., J. M., G. A., O. G., A. F., D. L., V. F., A. P. dhe D. P., banues në Korçë, u kapën duke luajtur lojëra fati në një lokal në lagjen nr. 16, në pronësi të shtetasit D. P.
Gjatë kontrollit, policia sekuestroi një tavolinë për lojëra fati, dy kuti me zare dhe një palë letra bixhozi.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme.
