Në vitin 2021 një VKM e miratuar hapi rrugën ndryshimit të statusit të Parkut Kombëtar të Bozdovecit në një status tjetër, ate të Peizazhit Tokësor Ujor të Mbrojtur.
Edhe pse e miratuar prej vitit 2021, VKM po përpiqet të zbardhet ditët e fundit, ku burime për Kolibri.al bëjnë me dije se tanimë gjithçka është vendosur nga ministria e mjedisit që Parku Kombëtar i Bozdovecit mos cilësohet më i tillë.
Kolibri.al u interesua pranë ministrisë së mjedisit lidhur me këtë ndryshim të mundshëm dhe se sa mundësi ka që me ndryshimin e statusit të parkut të njohur t’i hapet rrugë ndërtimit të resorteve, por kjo u mohua kategorikisht nga drejtuesit e saj.
Sipas dokumentit të siguruar nga redaksia e Kolibri.al nga “Park Kombëtar”, kategoria dy e zonave të mbrojtura do të kalojë në “Peizazh i mbrojtur”, kategoria pesë e zonave të mbrojtura.
Po ashtu sipërfaqja e mbrojtur në këtë zonë do të rritet nga 1380 hektarë në 2065.8 hektarë.
Sipas informacioneve është lënë të kuptohet se gjithçka ngelet vetëm në ndryshim termash dhe se rëndësia e parkut do të vijojë ende të jetë e lartë, por përherë, kujdesi duhet në detaje, sepse aty fshihet “djalli”…
https://konsultimipublik.gov.al/Konsultime/Detaje/397
