Jo vetëm gratë janë pre e dhunës nga burrat, por tashmë ky fenomen po përhapet edhe anasjelltas. Rastet e burrave të dhunuar kanë qenë evidentë por kohët e fundit po shtohen edhe më tepër.
Në më të shumtën e rasteve dhuna ndaj burrave nuk denoncohet, kjo për shkak të sikletit që kanë burrat në rrethin shoqëror, por ka edhe nga ata burra që nuk e kanë duruar dot më dhunën nga gratë e tyre.
Arbi Basho, Koordinator Vendor Kundër Dhunës në Familje dhe barazisë Gjinore, pranë bashkisë Pogradec, bën me dije për Kolibri.al se në Pogradec ka raste të dhunës tek meshkujt, e cila vjen për shkaqe të ndryshme por kryesisht ato ekonomike apo edhe konflikte familjare mes vëllezërve.
Në shumicën e rasteve burrat janë më të ndikuar nga dhuna mendore dhe emocionale, se sa nga ajo fizike sipas të dhënave përgjatë 2022 janë pajisur 6 burra me urdhra mbrojtje ndërsa 1 rast rezulton në 2023-in.
