Aksident me pasojë vdekjen në aksin rrugor Pogradec – Qafë Thanë. Ngjarja e rëndë ka ndodhur në afërsi të fshatit Mëmëlisht kur një mjet tip “Mercedes Benz” që po udhëtonte nga Qafë Thana në drejtim të Pogradecit ka humbur kontrollin duke kaluar në korsine e kundërt të rrugës nacionale dhe për pasojë është përplasur me një mjet “Citroen” me targa greke.
Përplasja ka qënë e fortë dhe për pasojë ka shkaktuar vdekjen e një 80 vjecari Fillim Zeka nga Çeta e Devollit i ndodhur në sendiljen e parë të pasagjerit si dhe plagosjen e drejtuesit të mjetit “Citroen”
Për policinë drejtuesi i mjetit tip “Benz” D. Yzellari ka humbur kontrollin edhe nga pagjumësia në kushte kur ka qenë duke lëvizur me shpejtësi tej normave të lejuara duke mos i krijuar mundësi manovrimi për shmangien e përplasjes drejtuesit të mjetit tjetër.
Policia ka shoqëruar në komisariatin e Pogradecit drejtuesin e mjetit tip “Benz” për të sqaruar më tej rrethanat e këtij aksidenti të rëndë
