Në Pogradec është bërë me mundur që të rehabilitohet Muzeu Historik i qytetit, sipas informacioneve që Kolibri ka marrë nga bashkia e këtij qyteti, investimi është bërë i mundur me fondet e saj edhe pse duhet më shumë thonë burimet pranë këtij institucioni.
Por çfarë ka ndodhur?
Pamja e jashtme e ish-doganës së qytetit prej më shumë se 30 vitesh që nga koha që ishte kthyer në muze nuk kishte marrë investim. Tashmë me një ndërhyrje të thjeshtë estetike ajo ka ndryshuar komplet duke marrë pamjen e një muzeu të vërtetë.
Është ndërhyrë në fasadë, dritare, oborr, muret e gurit etj duke mundësuar një pamjen e duhur për një institucion të tillë.
Ndërkohë që në vazhdim do të bëhet e mundur edhe vendosja e stolave për vizitorët.Në pjesët e brendshne falë një bashkëpunimi shumë të mirë me Muzeun Arkeologjik të Durrësit janë vendosur ekspozitorë të rinj në të cilët është bërë e mundur riorganizimi i të gjitha periudhave historike që nga prehistoria dhe deri në ditët e sotme.
Duhet theksuar se Pogradeci falë gërmimeve arkeologjike të bëra që nga periudha e komunizmit ka një histori shumë të pasur arkeologjike dhe kulturore e cila duhet njohur patjetër nga brezat e rinj.
Në vizitën e tij pas rihapjes kryebashkiaku, Ilir Xhakolli, ka inkurajuar edhe më tepër nismën e marrë nga drejtori i këtij muzeu, Ledjan Zeqollari, që të përfundojë sa më shpejt dixhitalizimi i këtij materilaeve të muzeut që ka nisur para pak kohe.
Ndërkohë të dhënat flasin se punohet edhe për një Muze Etnografik që do të ndërtohet dhe hapet së shpejti.
