Te ekipi i Pogradecit puna vazhdon me intensitet dhe kujdes të veçantë, teksa drejtuesit po synojnë të ndërtojnë një skuadër të konsoliduar për sezonin e ri. Pjesa më e madhe e lojtarëve të sezonit të kaluar ka rinovuar tashmë, ndërsa klubi po vijon negociatat për të mbajtur edhe elementët më të spikatur.
Një nga lëvizjet më të rëndësishme është rinovimi me portierin kroat Marin Stanic. Gardiani liqenor, i cili ishte një nga pikat më të forta të ekipit gjatë sezonit të kaluar, ka firmosur kontratën e re me Pogradecin. Performanca e tij e qëndrueshme dhe kontributi vendimtar në portë e kanë bindur stafin teknik për ta pasur sërish pjesë të skuadrës.
Me sigurinë në portë të garantuar, liqenorët hedhin një tjetër hap të rëndësishëm në ndërtimin e formacionit për sezonin e ardhshëm.
