Drejtoria Vendore e Policisë Korçë vijon kontrollet dhe veprimet për parandalimin dhe goditjen e paligjshmërive.
Shërbimet e Sektorit të Qarkullimit Rrugor arrestuan në flagrancë shtetasit A. X., 50 vjeç, banues në fshatin Mollas, Kolonjë dhe K. H., 22 vjeç, banues në Bilisht, të cilët u kapën duke drejtuar automjetet në gjendje të dehur.
Ndërkohë, shërbimet e Komisariatit të Policisë Korçë referuan materialet në Prokurori, ku nisi procedimi penal ndaj shtetasve M. J., 35 vjeç; I. A., 38 vjeç dhe L. Gj., 34 vjeç, banues në Korçë, për veprat penale “Dëmtime të tjera me dashje” dhe “Prishja e qetësisë publike”. Këta shtetas dyshohet se, në ambientet e një lokali në lagjen nr. 7, Korçë, janë konfliktuar dhe kanë dëmtuar lehtë pronarin e lokalit, shtetasin E. M., për motive të dobëta.
Gjithashtu, shërbimet e Komisariatit të Policisë Pogradec referuan materialet në Prokurori dhe nisi procedimi penal ndaj shtetasit G. B., 51 vjeç, banues në Pogradec, i cili dyshohet se në lagjen nr. 2 ka dëmtuar me mjet prerës një pemë dekorative, si dhe ndaj shtetases Q. R., 64 vjeçe, banuese në fshatin Gështenjas, e cila dyshohet se me vetëgjyqësi ka ndërhyrë duke ngushtuar një rrugë publike.
Materialet procedurale iu referuan Prokurorisë së Korçës për veprime të mëtejshme.
