Në Ditën Botërore të Shëndetit Mjedisor, na vijnë imazhe të mrekullueshme të sjella nga aktiviteti i organizuar për herë të parë nga ACEG sesioni i Yogas në Prespë!
ACEG sjell për herë të parë sesionin e Yogas në Prespë!
Për herë të parë, turiste, familjarë, banorë dhe fëmijë të zonës janë bashkuar për një përvojë të jashtëzakonshme të relaksimit dhe harmonisë me natyrën.
Qëllimi i këtij sesioni ishte të promovonte turizmin e natyrës, duke prezantuar Prespën si një park të shëndetshëm që forcon lidhjen me ambientin natyror dhe ndihmon në promovimin e një stili të jetesës të shëndetshëm.
Në këtë udhëtim të pazakontë, përfshihen jo vetëm praktikat e Yogas, por edhe eksplorimi i itinerareve të ecjeve në male, udhëtimeve me varkë në liqen dhe njohja e trashëgimisë kulturore të zonës.
Sesionin e udhëhoqi me sukses Elisabeta Balance 2021 duke nxitur një interes të madh dhe dëshirën për të përsëritur këtë përvojë të çmuar. Kjo ngjarje ka tërhequr vëmendjen e vizitorëve duke e vlerësuar si një inovacion të rëndësishëm për Parkun e Prespës.
Ky aktivitet së bashku me një seri të eventeve të mëparëshme, realizohen në kuadër të projektit të Qendrës ACEG, në bashkëpunim me PONT, ADZM Korce dhe bashkitë Pustec dhe Devoll.
