Bashkia e Korçës ka rritur nivelin e qerasë për 98 familje të cilat jetojnë në banesa sociale.
Sipas banorëve, pjesa më e madhe e tyre kanë të ardhura minimale duke mosperballuar rritjen e qerasë nga ana e keshillit bashkiak.
Disa prej tyre shprehen se nuk do të paguajnë rritjen e qerasë pasi të ardhurat e tyre janë të siguruara nga përkrahja sociale, invaliditetiti si dhe pensionet minimale duke e bërë të pamundur përballimin e kësaj rritje.
Mirela Balli, drejtore e strehimit social në bashkinë e Korçës ka bërë me dije se kjo rritje ka ardhur për shkak të indeksimit të qerave duke u bazuar në shifrat e INSTAT. Sipas saj banorët kanë kontrata një vjeçare me bashkinë dhe rritja e përvitshme është e parashikuar në nenin 3 të kontratës.
Vlerat e qerasë mujore se banesave sociale u rritën për 700 lekë të reja për garsoniere, 1300 lek për apartamente 1+1 dhe 1600 lek për apartamente 2+1
