Këtë vit fermerët e qarkut të Korçës kanë 900 hektarë më pak grurë se një vit më parë.
Vetëm në fushën e Maliqit janë 500 hektarë më pak.
Sipas fermerëve e gjithë kjo ka ardhur për shkak të mos shitjes së grurit vitin e kaluar dhe konkurrenca me çmime të grurit nga importi që vjen kryesisht nga Serbia.
Shkëlzen Fraholli, banor i fshatit Sheqeras është një nga fermerët potencialë të fushës së Maliqit, pasi ka sipërfaqe të mëdha të mbjella me grurë. Ai thotë se sipërfaqet jo vetëm janë ulur këtë vit por rrezikojnë të mos shesin as prodhimin e këtij viti.
Edison Sheme është një tjetër fermer i këtij fshati, I cili ka 5 hektarë të mbjellë me grurë por dhe ai ndjen frikën e mosshitjes se prodhimit pasi gruri që vjen nga jashtë ka çmim më të ulët.
Drejtori i bujqësisë në bashkinë e Maliqit Arben Dulellari pranon se këtë vit ka me pak siperfaqe të mbjella me grurë ashtu siç pranon se e gjithë kjo ka ardhur për shkak të mosmbeshtetjes këtë vit nga ana e ministrisë së linjës si dhe konkurrenca me fermerë të rajonit.
Vetëm në fushën e Maliqit një vit më parë edhe për shkak të mbështetjes nga ana e qeverisë për fermerët që kanë mbjellë grurë kanë qenë 4000 hektarë ndërsa këtë vit 3500. I gjithë qarku i Korçës një vit më parë ka patur të mbjellë 12700 hektarë ndërsa këtë vit 11800 hektarë grurë
