Rrënjët e origjinës, dashuria dhe malli për vendlindjen nuk shuhen kurrë!
Lidhja e fortë, e cila vjen përmes gjuhës, traditave, kulturës e historisë, është thjesht unike!
Sot, në fshatin Panarit, jemi njohur me një nga rastet më të rralla e të veçanta, që ka treguar më së miri identitetin e përhershëm të vendit të origjinës.
Dhori Naum lindi në Panarit në vitin 1898 dhe emigroi me babain e tij në Amerikë në Prill të vitit 1909.
Atje ndërtoi jetën dhe familjen e tij.
Dashurinë dhe mallin për atdheun, edhe pse u largua në moshë të hershme, e trashëgoi tek brezat e familjes së tij.
Kathy, stërmbesa e Dhorit e lindur dhe rritur në Amerikë, me dashurinë për vendin e origjinës të injektuar aq fort nga babai i saj, sot plotësoi amanetin e tij të fundit, të prehej në Panarit.
E emocionuar teksa viziton fshatin, vendin e origjinës së saj, Kathy Nawn Conrad dhe bashkëshorti Mike Conrad ndanë kujtimet e ruajtura me fanatizëm nga stërgjyshi.
Marrë nga Erjon Nexhipi
