Tek delet ka nisur sezoni i lindjeve dhe blegtorët këshillohen që të tregojnë kujdes të shtuar për qingjat. Përgjegjësi i sektorit të mbarështimit në QTTB Romeo Prifti thotë se e rëndësishme është që të bëhet dezinfektimi i kërthizës së qingjit sapo ka lindur dhe të sigurohen kushte të përshtatshme të strehimit.
Duke qenë se dhe temperaturat në vijim do të shënojnë ulje, këshillohet që stallat ku ruhen kafshët të ngrohen në mënyrë që të mos shfaqen probleme nga i ftohti tek kafshët.
