Edmond Spaho i është përgjigjur ashpër Grida Dumës, pasi kjo e fundit e ka përmendur në emisionin e saj, si ‘një shëmbëll i dështuarr në zgjedhjet e 2021’.
“Përgjigje e detyruar Grida Dumës e cila më mori si shëmbëll në emisionin e të enjtës në mbrëmje se përse nuk dola i pari në votë personale në zgjedhjet e vitit 2021:
Në zgjedhjet e vitit 2021 unë zhvillova fushatë për PD pa kërkuar votë personale.
Rezultati ishte një mandat më shumë PD në Korçë se në vitin 2017. Qarku i Korçës ishte një nga 3 qarqet që realizoi objektivin.
Unë isha i vetmi konkurent në Korçë që në zonën që më ishte caktuar kisha konkurent nga forca ime politike, i cili mori 3000 vota. Të tjerët nuk i patën këto “favore”.
Unë nuk hyra në zonat e të tjerëve për t’i kërkuar strukturës së PD të votojë për mua sikur bëri ndonjë.
Unë kisha 18.500 votues në zonën që mbuloja. Të tjerë kanë pasur 28.000 votues.
Nuk po flas për marifete të tjera.
Tung Grida!
15.000 vota prapa si ti në Durrës në 2015 apo votat që more në Kavajë në 2021 nuk kanë për të ndodhur më mua. Humbje në Kavajë por u gradove nënkryetare e PD.
A ke fituar ndonjëherë Grida sa kohë ishe në politikë?
Unë kam humbur vetëm një herë në 2017 nga 6 përballje elektorale që kam pasur për deputet në Kuvendin e Shqipërisë.
Sa jam në politikë kam mbikqyrur 5 palë zgjedhje vendore dhe 1 palë zgjedhje të përgjithshme dhe kam humbur 2 herë, kur punova për ty në 2015 dhe në 2023 kur Rithemelimi hyri pa emër, pa vulë, pa fonde dhe pa komisionerë.
Dhe më e rëndësishmja, Grida, unë kurrë nuk kam hyrë në fushata zgjedhore për të mbledhur lekë për vete. Besoj më kupton ku e kam llafin.
Tung edhe një herë”, shkruan Spaho në reagimin e tij.
