Drejtoria e Përgjithshme e Burgjeve ka vendosur të largojë nga detyra drejtorin e burgut të Drenovës, Fatjon Fasho, si dhe shefin e policisë së këtij institucioni, Sokol Kacoli.
Sipas burimeve të sigurta, vendimi vjen pas zbulimit të një telefoni celular në qelinë e të dënuarit Laert Haxhiu, gjatë një kontrolli të papritur të zhvilluar disa ditë më parë.
Vetë Fatjon Fasho, në një prononcim telefonik, ka deklaruar se ende nuk është informuar zyrtarisht për largimin nga posti, duke theksuar se lajmin e ka marrë vesh vetëm nga mediat, ndërsa në Institucionin e Ekzekutimit të Vendimeve Penale në Drenovë nuk ka mbërritur asnjë dokument zyrtar në lidhje me shkarkimin.
Pritet që shkarkimet të formalizohen në ditët në vazhdim, ndërkohë që situata në burgun e Drenovës monitorohet nga afër nga strukturat qendrore.
