Një vatër e madhe zjarri vazhdon të jetë aktive brenda parkut kombëtar të Prespës.
Burime zyrtare thanë se vatra është në zonën e Gorices se Madhe, vatër e cila është brenda pyllit me ha ndërkohë që vatra është shtrirë edhe në pjesën e kullotave.
Për të mbajtur nën kontroll me qëllim mos lejimin e flakëve të depërtojnë në pyllin me pisha, po punojnë me shume se 70 forca, 40 prej të cilave janë të ushtrisë.
Nga ana tjetër edhe në Malin e Thatë mbi fshatin Peshkëpi janë duke punuar për të mbajtur në kontroll vatra e zjarrit në kullota punojës të shërbimit zjarrfikës dhe të zonave të Mbrojtura të bashkisë së Pogradecit.
Pas dy ditësh avioni rumun nuk është parë më në ndërhyrje në Parkun Kombëtar të Prespës.
Në këto kushte po punohet për hapjen e korridoreve për të pasur nën kontroll këtë vatër të madhe zjarri por kjo varet edhe nga temperaturat dhe era.
