Skënderbeu arriti fitoren e parë në kampionat për këtë sezon, teksa mposhti Vllazninë me rezultatin 1-0 në duelin e zhvilluar në Korçë.
Shkodranët luajtën me 10 lojtarë prej minutës së 25-të, kur Dodaj u ndëshkuar me karton të kuq për ndërhyrje të gabuar ndaj Vangjelit. Për golin e triumfit mendoi sulmuesi Bismark, i cili në minutën e 84-t, u zhbllokua duke gjetur rrugën e rrjetës. Një gol me mjaft vlera për korçarët që u ngjitën në kuotën e 4 pikëve.
Ndërkohë në krahun tjetër për Vllazninë kjo ishte disfata e parë në 3 javë, pas një fitoreje dhe një barazimi.
FT: SKËNDERBEU – VLLAZNIA 1-0
Bismark 84′
KOMENTI LIVE:
Mbyllet sfida!
90+3′ Gvozdenoviç kryen zëvendësimin e tretë, largohet Juri vendin e tij e merr Nerguti.
90′ Akordohen 6 minuta shtesë!
88′ Rashica ndëshkohet me karton të verdhë.
87′ Zëvendësim te Vllaznia, largohet Deliu, vendin e tij e merr Podrimcaku. Zëvendësim edhe te Skënderbeu, Bismark i lë vendin Pecanit.
84′ GOOOOOL SKËNDERBEU 1-0/ Zhbllokohet sfida në Korçë, sulmuesi Bismark gjen rrugën e rrjetës. Në festë “Ujqërit e Dëborës”!
76′ Tentativa e Gercos me të majtën shkon mbi kuadrat.
73′ Brdariç kryen dy zëvendësime, largohen Stojanoviç dhe Alivoda, në vend të tyre Pusi dhe Sala.
71′ Gafë në mbrojtje e Ramos, braziliani për pak sa nuk katranos gjithçka.
69′ Dy shanse të arta për Skënderbeun me Rashicën dhe Krasniqin, por të parën e ndal Qarri, ndërsa tentativa e Krasniqit shkoi ngjitur me shtyllën.
60′ Tre zëvendësime te Skënderbeu, largohen Nikaj, Vangjeli dhe Franklin, në lojë, Çuçka, Krasniqi dhe Shaqe.
59′ Zëvendësim te Vllaznia, largohet Qato, vendin e tij e merr Krymi.
55′ Ramos është i ndëshkuari i radhës me karton të verdhë!
46′ Starton pjesa e dytë!
Mbyllet pjesa e parë!
45′ Akordohen 5 minuta shtesë!
39′ Skënderbeu regjistron një tjetër goditje në kuadrat, kësaj here ishte Gerco që provoi, por gjuajtja e tij ishte qendrore dhe u ndal nga portieri Qarri.
35′ Mala provon të surprizojë me një gjuajtje nga distanca, por topi shkon ngjitur me shtyllën.
31′ Janaqi ndëshkohet me karton të verdhë për ndërhyrje në kohë vonesë ndaj Alivodës.
22′ Dodaj është i ndëshkuari i parë i sfidës me karton të verdhë për ndërhyrje të gabuar ndaj Vangjelit. Por pas ndërhyrjes së VAR-it, gjyqtari Beqiri, ndryshon vendimin dhe ndëshkon me karton të kuq sulmuesin Dodaj. (VIDEO)
19′ Provon edhe Dodaj të rrezikojë portën, por ndalet nga portieri Alia.
9′ Pranë golit Skënderbeu me Rashicën. Vendimtar Kristi Qarri me ndërhyrjet e tij.
4′ Nikaj lëviz bukur nga e djathta, provon me një gjuajtje, por tentativa e tij ishte e lehtë, duke përfunduar në duart e Qarrit.
2′ Sinjalin e parë të rrezikshëm e jep Balaj, me një tentativë nga goditja e dënimit, pas faullit të shkaktuar nga Janaqi, por tentativa e kapitenit shkodran shkon mbi kuadrat!
1′ Starton sfida në Korçë!
FORMACIONET ZYRTARE:
SKËNDERBEU: Alia, Ramos, Prençi, Gerco, Vangjeli, Janaqi, Linkoln, Juri, Nikaj, Rashica, Bismark. Trajner: I.Gvozdenoviç.
VLLAZNIA: Qarri, Gurishta, Juriç, Stojanoviç, Jago, Alivoda, Deliu, Qato, Mala, Dodaj, Balaj. Trajner: Th.Brdariç
GJYQTARË: A.Beqiraj, A.Shkreta, F.Kolleshi (Tiranë)
VAR: F.Lata; AVAR: O.Kuka
