Në prag të sezonit të ri 2025-2026, Skënderbeu ka bërë të ditur afrimin e tretë veror në merkato. Tani janë tre futbollistë të huaj që kanë firmosur me klubin bardhekuq.
Më i fundit që iu bashkua ekipit është mesfushori brazilian Victor Gabriel Moura de Oliveira, i cili ka nënshkruar një kontratë trevjeçare. Sipas të dhënave, ai është një lojtar me potencial të madh, ndërsa pritet të zbulohet se kur do të mbërrijë në qytetin juglindor.
Ndërkohë, i pari që mbërriti dhe ka filluar stërvitjen nën urdhrat e trajnerit Ernest Gjoka është Baba Musa nga Gana, i cili prej disa ditësh është pjesë e skuadrës.
Pritet që së shpejti t’i bashkohet skuadrës edhe Salim Abubakar, duke përfunduar kështu tre transferimet e reja që do të fuqizojnë Skënderbeun për sezonin e ardhshëm.
