Skënderbeu vijon të gjurmojë elementë të rinj me qëllim promovimin e tyre dhe shitjen më pas në merkato për të mbushur arkat e klubit.
Kjo është strategjia që prej vitesh po ndjekin në Korçë dhe duket se do të vijojë edhe këtë sezon.
Klubi bardhekuq ka arritur marrëveshjen me një sulmues nigerian 20 vjeçar i cili mbërrin sot në Korçë dhe do të jetë menjëherë pjesë e grupit bardhekuq për sezonin e ri.
Bëhet fjalë për Tajo Razak Abiodu, sulmuesin më të ri të bardhekuqve, i cili do të jetë konkurrent për një fanellë titullari i Çarls Bismark.
Një gjë të tillë e kanë konfirmuar për gazetën zyrtarë të klubit Skënderbeu, të cilët pranuan se dot pritet që të bashkohet me ekipin sulmuesi më i ri që bëhet pjesë e klubit korçar.
Edhe pse nuk ka të dhëna për këtë lojtar, te Skënderbeu drejtuesit janë të bindur se është një lojtar cilësor dhe me kapacitete të konsiderueshme.
Nisur nga të dhënat e lojtarit, burimet bëjnë me dije se Abiodu ka qenë pjesë e akademisë më të madhe në Nigeri, “36 Lions”.
Shkollë kjo që ka prodhuar lojtarët më cilësorë të Nigerisë dhe kontinentit afrikan. Ndaj edhe për këtë besimi se mund të kenë bërë një goditje të rëndësishme në merkato është mjaft i madh.
Sipas të dhënave, Abiodu luan si sulmues qendre dhe është një pikë e rëndësishme referimi në repartin ofensiv.
Drejtuesit shpresojnë që me ardhjen e tij të gjejnë zëvendësuesin e duhur për Bismark, i cili deri më tani po mbulon i vetëm këtë pozicion.
Pritet që sot lojtari të bëjë prezantimin e tij zyrtar në radhët e korçarëve dhe më pas të vihet nën urdhrat e trajnerit Ivan Gvozdenoviç.
Merkato – Edhe pse jemi në javën e fundit të merkatos në Korçë janë duke punuar për dyafrime të tjera për t’i dhënë trajnerit një ekip akoma edhe mëtë kompletuar për kampionatinqë sapo ka nisur.
Burimet në klub tregojnë se drejtuesit emerkatos janë duke punuar nëdy pista. Së pari për një anësor që mbulon të dy krahët e ofensivës me qëllim që të kenë alternativat e duhura në pozicionet ku për momentin luajnë Rashica dhe Nikaj.
Ndërsa paralelisht është duke u punuar edhe për një mbrojtës qendre. Me Prençin dhe Ramos nëprapavijë dhe vetëm me Vaskezsi një zëvendësues reparti sipas stafit teknik nuk është i plotësuar dhe ka nevojë për tëtjera alternative.
Pritet që këto tre ditë të sjellin të reja të tjeranë klubin korçar. Teksa merkatoja në hyrje mbetet aktiveduket se në dalje është mbyllur gjithçka.
Edhe pse çështja Rashica mbetet ende “e nxehtë” nëKorçë nuk duan të heqin dorënë këtë moment nga lojtari dhemundësia e vetme është që finalizimi i marrëveshjes meLegian, që ka qenë ekipi i interesuar për shërbimet e sulmuesit Kosovar të shtyhet për në hapësirën e transferimeve nëjanar.
