Kreshnik Hajdari është emri i radhës nga kryebashkiakët socialistë që përfundon në SPAK si subjekt hetimi. Kryebashkiaku i Kuçovës ka nisur mandatin e dytë në detyrë dhe drejtësia është kujtuar të hetojë një fshehje dënimi që Hajdari ka pasur gjatë jetës së tij.
Në formularin e dekriminalizimit Keshnik Hajdari nuk ka deklaruar se është dënuar me gjyq nga gjykata greke për hyrje të paligjshme në teritor. Ai ka marr një gjobë për këtë shkelje, teksa deklarimi se ka qenë i dënuar nuk është kryer në formularët dorëzuar KQZ-së.
Kryetari i Bashkisë Kuçovë rezulton i dënuar nga drejtësia greke për akuzën e “Kalimit të Paligjshëm të Kufirit”. Vendimi për dënimin e kryebashkiakut Kreshnik Hajdari është dhënë në vitin 1999 nga gjyqtari i vetëm i gjykatës penale të Janinës.
KQZ e ka anashkaluar këtë fakt duke pranuar që Hajdari të rikandidojë për kryetar e madje e ka njohur atë në mandatine dytë.
Ndërkohë emri i Hajdarit është dërguar në SPAK edhe për manipulim dhe blerje votash në bashkëpunim me biznesmenin Pëllumb Salillari për zgjedhje e 14 majit.
Akuza të tjera që lidhen me kryebashkiakun e Kuçovës janë edhe shkeljet e garës në tendera si dhe abuzimet në tendera, si dhënia me koncesion e burimit të ujit të Sinecit, ndërtimi i një strehe për qentë endacakë si dhe për kontratat e pastrimit dhe gjelbërimit.
