Programi “Ekipet Sportive në Shkolla”, një nismë e Ministrisë së Arsimit dhe Sportit në bashkëpunim me Komitetin Olimpik Kombëtar Shqiptar ka nisur fazën e parë të ndeshjeve në edicionin e tij të tretë. Aktiviteti i hapjes u zhvillua në ambientet sportive të një shkolle në kryeqytet, ku ministrja e Arsimit dhe Sportit, Ogerta Manastirliu, tha se në këtë edicion marrin pjesë mbi 12 mijë nxënës në të gjithë vendin.
Në këtë edicion, faza përgatitore ka nisur në të gjitha shkollat pjesëmarrëse, ku ekipet kanë zhvilluar stërvitjet e tyre ndërsa u shpërndanë edhe uniformat e reja për pjesëmarrësit.
Mbështetja nga Ministria e Arsimit dhe Sportit, Komiteti Olimpik Kombëtar Shqiptar, trajnerët, koordinatorët, arbitrat dhe vullnetarët do të vazhdojë për të siguruar mbarëvajtjen e këtij edicioni dhe përfshirjen e sa më shumë të rinjve.
