Tatuazhet janë moda aktuale e të rinjve në Shqipëri. Në Korçë të shumtë janë grupmosha e re të cilët vendosin të bëjnë tatuazh në trupin e tyre.
Ky është Samueli, i cili ka vendosur që të bëjë tatuazhin e tij të parë, një figurë drejtuar përkushtimit në familje.
“Ky është tatuazhi i parë dhe pas tij do ketë e shumë të tjerë. Ky tatuazh që po bëj unë do të thotë familje. Mendoj se do bëj shumë tatuazhe, janë disa shkrime në lidhje me familjen me jetën e të gjitha me radhë” – u shpreh Samuel Hyka.
Xhoni Drizaj, artist tattoo në qytetin e Korçës tregon se tatuazhet sot janë trend.
“Tatuazhet janë trendi i sotëm, janë në mode janë lifestyle, samueli e ka për herë të parë por unë njoh shumë të tjerë që vijnë për herë të parë dhe rikthehen gjithmonë deri sa nuk ka hapsire në trupin e tyre.
Një nga stilet që është kthyer në modë është watercolor, të cilat janë jo shumë të vogla, mesatare por pjesa më e madhe zgjedhin tatuazhe të mëdha, në këmbë, etj”- thotë Xhoni Drizaj
Edhe për artistin Andi Kelmenti në Pogradec, në rritje është numri i të rinjve që kërkojnë të bëjnë tatuazh por së fundmi dhe i moshave më të mëdha.
“Kohët e fundit ka hyrë si trend me fuqishëm nga vitet e tjera, po bëhen më të kërkuara dhe me të pranueshme për familjarët. Qytetet e vogla siç jemi ne si Korça, Pogradeci, e kane patur pak.
Tabuja e tatuazheve është thyer, kanë filluar pranohen pasi kohët e fundit jo vetëm të rinjte por dhe moshat e dyta të cilët kanë atë dëshirën që tatuazhin e kishin qejf në adoleshencë ta bëjnë tani” – thotë Andi Kelmenti.
Sipas artistit të tatuazheve, është e ndaluar të bëhen emra të personalizuar të të dashurve, pasi ka raste kur vet të rinjtë pendohen.
“Një nga llojet e tatuazheve që nuk duhen bërë ose që unë nuk i punoj me sakte dhe janë emrat e të dashureve, ju lutem mos bëni më emra të dashurish. Do pendoheni e nuk dihet çfarë ndodh më vonë” – shprehet Xhoni.
Pavarësisht numrit në rritje të të rinjve që duan tatuazhe në trupin e tyre, çmimi i tyre vijon të jetë i pandryshuar
