Skënderbeu në volejboll për meshkuj humbet 0-3 me Tiranën në një ndeshje të vlefshme për gjysmë finalen e Kupës së Shqipërisë.
Seti i parë ka pasur rivalitet deri në pikët e fundit por kryeqytetasit kanë qënë me të saktë në pikët finale duke fituar setin me rezultatin 24-26.
Dy setet e tjera janë dominuar nga bardheblutë duke dominuar setin e dytë 17-25 dhe të tretin 16-25.
Në këtë ndeshje trajneri i Skënderbeut Arben Prifti ka eksperimentuar jo pak edhe me grupin e lojtarëve ndërkohë që Tirana në të tre setet ka luajtur me titullarët.
Këtë sezon ndryshe nga sezoni i kaluar Federata Shqiptare e Volejbollit kampionatin kombëtar, Kupën e Shqipërisë si dhe Ligën Gjergj Kastrioti i ka organizuar pothuajse me të njëjtën formulë ndeshjesh, e thënë ndryshe sezoni i këtij viti arrin numrin maksimal të takimeve duke e çuar numrin e ndeshjeve me ato të shumë vendeve të rajonit madje e të Europës.
E gjithë kjo për të rritur me tepër cilësine e lojës së rrjetës
