Ekipi i liqenorëve zyrtarisht është shitur tashmë nga bashkia. Kjo e fundit vendosi disa kohë më parë që të nxjerrë në shitje 100% të aksioneve të klubit, pasi nuk arrite dot të mbulonte shpenzimet e shumta që kishte ekipi.
Në tentativën e para disa muajve, në ankandin e hapur nuk pati asnjë ofertë për blerjen e ekipit i cili asokohe luante në kategorinë e dytë.
Pas përfundimit të kampionatit dhe ngjtjes së ekipit në kategorinë e parë, bashkia hodhi sërish ankandin për shitjen e aksioneve të klubit. Sipas të dhënave pati vetëm një ofertë të paraqitur dhe ajo ishte e presidentit të “Arlis Construction” Armand Lilo.
Tashmë procedura është mbyllur është bërë vlerësimi i ofertës dhe Lilo zyrtarisht është presidenti i ri i klubit të KF Pogradeci.
Sipas të dhënave, është rikonfirmuar në krye të pankinës shkodrani Samuel Nikaj edhe për 1 sezon, ndërsa nuk ka të dhëna se çfarë do të ndodhë me pjesën tjetër drejtuese të klubit. Mësohet që Lilo të ketë thënë se do që ekipi të ngjitet në superiore, çfarë nënkupton shumë punë dhe blerje të reja për ta arritur këtë gjë.
Se sa do realizohet mbetet për tu parë se çfarë do të sjellë merkato në ekipi apo edhe loja në sezonin që presim.
