Moglica shtesë, projekt madhor hidroenergjitik me investim mbi 1.3 miliard euro që pritet të punësojë afro 1 mijë persona.
Kompania Statkraft po shikon mundësinë e zhvillimit të një hidrocentrali me sistemin e rezervës së pompimit në Shqipëri. Bëhet fjalë për një projekt me vlerë investimi mbi 1.3 miliard euro, dhe që parashikohet të ketë afro 1 mijë persona të punësuar, bëjnë me dije burime zyrtare nga bashkia Maliq
Në vijim të ndërtimit të Hidrocentralit të Moglicës dhe fillimit të operimeve tregtare në Hidrocentralet e Banjës dhe Moglicës në luginën e Lumit Devoll në Shqipëri, Statkraft po vlerëson mundësinë e optimizimit të mëtejshëm të burimeve hidrologjike në Hidrocentralin e Moglicës.
Hidrocentrali i Moglicës ka filluar operimet tregtare në mesin e vitit 2020 dhe është Hidrocentrali më i madh privat në Shqipëri, me prodhimin e afërsisht 450 GWh të energjisë së rinovueshme në vit. Rezervuari i Moglicës me kapacitet prej rreth 380 milionë m3 ujë ndodhet në një zonë që konsiderohet me potencial të mirë për vlerësimin e zhvillimit të një Hidrocentrali me sistemin e rezervës së pompimit me kapacitet të lartë, si shtesë e rezervuarit ekzistues.
Bazuar në këtë mundësi, Statkraft ka nisur vlerësimin e këtij koncepti, bazuar në kontratën e koncesionit me autoritetet shqiptare. Koncepti bazohet në përdorimin e rezervuarit të Moglicës si rezervuar i poshtëm, ndërtimin e një centrali të ri nëntokësor dhe një rezervuar të ri të epërm në afërsi të rezervuarit ekzistues.
Ky zhvillim mund të ofrojë një zgjidhje të përballueshme dhe në harmoni me mjedisin për nevojat në rritje të balancimit të energjisë në rajon, dhe të jetë mundësues për rritjen e pritur të prodhimit të energjisë elektrike nga burimet e rinovueshme me ndërprerje gjatë dekadës në vijim. Zhvillimi i një hidrocentrali të tillë
“Moglica Shtesë“ ësjtë një tjetër projekt hidroenergjetik në territorin e Bashkisë Maliq drejt finalizimit .
Kompania Norvegjeze “Statkraft” dhe “Devoll Hydrpower” Sh.A. diskutime me aktorë lokalë për Statusin e Projektit dhe Vlerësimin e Ndikimit Mjedisor e Social .
Një projekt ky që tejkalon impaktin jo vetëm lokal e kombëtar por edhe rajonal në fushën e energjitikës .
