Një 17-vjeçar është vënë nën procedim penal nga Policia Rrugore e Korçës, pasi u kap duke drejtuar një automjet pa leje drejtimi. Rasti është zbuluar gjatë kontrolleve rutinë të Policisë Rrugore, që synojnë parandalimin e shkeljeve në qarkullim dhe rritjen e sigurisë rrugore.
Specialistët e Sektorit të Policisë Rrugore kanë referuar materialet në Prokurori, e cila ka nisur hetimet për këtë shkelje ligjore.
Materialet procedurale i janë kaluar Gjykatës së Shkallës së Parë të Juridiksionit të Përgjithshëm Korçë, ku do të vlerësohen masat që do të merren ndaj të miturit. Autoritetet bëjnë thirrje për respektimin e rregullave të qarkullimit dhe apelojnë ndaj prindërve që të mos lejojnë fëmijët e tyre të drejtojnë automjete pa leje drejtimi, duke rrezikuar jetën e tyre dhe të përdoruesve të tjerë të rrugës.
Njoftimi i policisë;
DVP Korçë
Specialistët e Sektorit të Policisë Rrugore referuan materialet në Prokurori, ku filloi procedimi penal për një 17-vjeçar, pasi u kap duke drejtuar automjetin, pa leje drejtimi.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
