Ivan Cabrel Djantou Tchaboutang është shitja e radhës nga ana e klubit korçar të Skënderbeut, i cili mbush përsëri arkën e vet, pas shitjes së Frenklin në Azerbajxhan.
Këtë herë drejtuesit e klubit kanë rënë në dakortësi me skuadrën daneze Sønderjyske Fodbold për të shitur lojtarin kamerunas.
Shtatlarti Djantou pavarësisht se nuk luajti titulluar në shumicën e ndeshjeve të skuadrës korçare në kategorinë superiore, la përshtypje të mirë në minutat e luajtura për lojën e kryer e mesa duket interesi nga Daminarka është finalizuar se fundmi
Burime të siguruara bëjnë me dije se për kartonin e kamerunasit, korçarët kanë përfituar 200 mijë euro ndërkohë që nuk dihet ende sa vjeçare do të jetë kontrata e lojtarit me Sønderjyske Fodbold
Të njëjtat burime bëjnë me dije se oferta ka pasur edhe për lojtarë të tjerë të Skënderbeut por nuk janë shprehur se cilët janë lojtarët e kërkuar.
