Një 23-vjeçar u arrestua nën dyshimin se i përvetësoi një shume prej rreth 180 000 lekësh një të riu që po përgatitej të udhëtonte jashtë shtetit. Burime pranë hetuesve thanë se G. T. premtoi sigurimin e një vize pune në Itali kundrejt pagesës paraprake. Kur dokumentet nuk mbërritën, viktima bëri kallëzim.
“Është rasti tipik i shitjes së ‘shpresës për emigrim’,” sqaroi një oficer hetimor, duke paralajmëruar për shtimin e skemave të tilla pas liberalizimit të tregut evropian të punës sezonale. Ndaj të dyshuarit rëndon akuza “Mashtrim” që parashikon deri në 5 vite burg.
Njoftimi zyrtar i policisë;
“G. T., 23 vjeç, banues në Korçë, u arrestua në flagrancë pasi dyshohet se i ka marrë një shumë parash një 27-vjeçari, nëpërmjet mashtrimit.”
