Është vënë në pranga një shtetas 23 vjeçar pasi u dënua nga Gjykata e Apelit e Juridiksionit të Përgjithshëm Tiranë, me 2 muaj burg, për veprën penale të kryerjes së marrëdhënieve seksuale me një shtetas invalid.
Njoftimi i policisë;
DVP Korçë/Vihen në pranga 1 shtetas për vepra të ndryshme penale
-Specialistët për Hetimin e Krimeve të Komisariatit të Policisë Devoll ekzekutuan urdhrin e Prokurorit, për ndalimin e shtetasit K. K., 23 vjeç, banues në fshatin Miras, Devoll, pasi Gjykata e Apelit e Juridiksionit të Përgjithshëm Tiranë e ka dënuar me 1 muaj e 29 ditë burgim, për veprën penale “Marrëdhënie seksuale ose homoseksuale me persona të pazotë për t’u mbrojtur”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
