Në mbledhjen e fundit për këtë vit Këshilli i Qarkut të Korçës ka miratuar buxhetin për vitin 2025, i cili kap vlerën 250,8 milionë lekë. Ka qenë kryetari Erjon Nexhipi i cili ka prezantuar buxhetin për vitin e ardhshëm duke u shprehur se vëmendja kryesore e këtij institucioni do të shkojë për zhvillimin ekonomik, përkujdesin social dhe trashëgiminë kulturore.
Këshilli i Qarkut gjatë vitit 2025 do të mbështesë një sërë aktivitetesh kulturore, konferenca shkencore, zhvillimin e turizmit, projekte sociale në bashkëpunim me bashkitë, projekte të ndryshme për të rinjtë, të moshuarit si dhe mbështetje për fermerët dhe promovimin e produkteve bujqësore.
