Një 65 vjeçar është arrestuar nga policia e Korçës i akuzuar për ngacmim seksual ndaj një 75 vjeçare.
Burime të siguruara thanë se ngjarja ka ndodhur në një ambient publik të qytetit të Korçës e për këtë policia ka sekuestruar kamerat e sigurisë që ndodheshin në këtë zonë publike.
75 vjeçarja gjithnjë sipas të njëjtit burim ngjarjen e ndodhur ja ka rrëfyer vajzës së saj e cila ka denoncuar rastin në policinë e komisariatit të Korçës.
Pas provave të siguruara, policia ka bërë të mundur ndalimin e 65 vjeçarit banues në të njëjtin qytet.
Materialet i kanë kaluar prokurorisë së rrethit gjyqësor të Korçës e cila pritet të çojë për masë sigurie 65 vjeçarin nën akuzën e ngacmimit seksual.
Njoftimi i policisë;
Specialistët për Hetimin e Krimeve në Komisariatin e Policisë Korçë ndaluan shtetasin F. I., 65 vjec, banues në Korçë, pasi dyshohet se ka ngacmuar seksualisht një 75-vjeçare.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
