81 vjet më parë kur Shqipëria ishte pushtuar nga fashistët italianë dhe lipsej nevoja për bashkim kundër pushtuesit në vendit tonë ekzistonin ende hasmërit mes fiseve dhe gjaqet. Kjo periudhë kërkonte domosdoshmërisht paqe mes njerzve dhe vëmendja kryesore të ishte ndaj pushtuesit për çlirimin e Shqipërisë.
Në fakt zona e Mokrës në Pogradec ka pasur një rol jo të vogël në luftën antifashiste nacional çlirimtare. Në këtë krahinë funksiononin disa çeta të cilat më pas u mblodhën nën një emër “Batalioni i Mokrës” drejtuar nga Reshit Çollaku, por para krijimit të këtij batalioni kohë kur kishin nisur përpjekjet për krijimin e tij, në Slabinjë të Mokrës u shënuar edhe një tjetër ngjarje e rëndësishme.
Kuvendi i Slabinjës, i cili solli paqen mes fiseve të kësaj zone.
Ky Kuvend cilësohet një ngjarje e rëndësishme historike, e cila solli paqen mes fiseve në krahinën e Mokrës. Në kuvend morën pjesë fiset Kreka, Kapri e Kullolli nga Goliku, fisi Gjona nga Lakteshi, fisi Baçi nga Çezma e Vogël, fisi Blloshmi nga Bërzeshta, fisi Isufi nga Slatina, fisi Muço nga Trebinja, fisi Ademaj nga Selca e Sipërme, fisi Mane nga Losniku etj. Pjesmarrësit vendosën “besëlidhjen”, ndalimin e gjaqeve deri në mbarimin e luftës.
Në foto shtëpia ku në 14 Shkurt 1943 u mbajt Kuvendi i Pajtimit të Gjaqeve në Slabinjë.
