Gjatë luftës së dytë botërore në fshatin Borovë në Kolonjë u vranë 107 civilë, duke shënuar një nga masakrat më tronditëse të ushtrisë gjermane.
Në 6 Korrik të 1943, teksa trupat naziste gjermane do të përdornin rrugën e Kolonjës me qëllim për të shkuar drejt Janinës, do të përballeshin me batalionin partizan “Tomori”, në një luftë të përgjakshme e cila sipas arkivave të Lëvizjes Antifashiste Nacional Çlirimtare thuhet se zgjati mbi 7 orë.
Gjermanët do të ktheheshin pas duke u hakmarrë e duke djegur çdo gjë që u dilte para në fshatin Borovë, duke djegur të gjallë 107 civilë, prej tyre 64 gra dhe 43 burra, pa kursyer edhe fëmijët e vegjël. Viktima më e vogël ishte 4 muajsh dhe më i vjetri 84 vjeç.
Çdo vit përkujtohen viktimat e kësaj masakre, të cilët vitet e fundit kanë marrë statusin e “Dëshmorëve të Atdheut”
