Një paralajmërim i fortë ka ardhur ditën e sotme nga botuesi Nikollë Lesi, pas kërkesës për arrestimin e ish-zv.kryeministrit Arben Ahmetaj.
Nikollë Lesi deklaron se po përgatitet arrestimi i një ish-zyrtari më të lartë se Ahmetaj.Ai deklaron në një shkrim në gazetën e tij se kësaj radhe ish-zyrtari nuk do të jetë i qeverisë Rama, por do të jetë nga radhët e opozitës.
“Burime të sigurta brenda drejtësisë thonë se pas arrestimit të ish-zv/kryeministrit Arben Ahmetaj, kërkuar nga SPAK, po përgatitet një tjetër arrestim nga e djathta shqiptare.
Por nëse nga e majta arrestimi i Arben Ahmetajt është më i larti si zyrtar, nga opozita flitet për një “peshk” edhe më të madh se ish-numri dy në qeverinë Rama.Themelet e betonuara të SPAK nga Arben Kraja, tani po ngrihen me hekur-beton nga Altin Dumani.
Do të kemi verë shumë të nxehtë për politikën e korruptuar shqiptare. Nga fundi i vjeshtës do ti kemi në burg të gjithë ata që guxuan të shpërdorojnë postin zyrtar dhe të vjedhin lekët e buxhetit.
SPAK-u po kthen besimin në popull të drejtësia. Ndaj krijoni kushte pune moderne, SPAK-ut dhe BKH, por edhe rrogat t’ju rriten sepse ata po kursejnë miliona buxhetit të shtetit si dhe po fusin edukatën (frikën) se nuk mund të mendosh të prekësh paratë e taksapaguesve shqiptarë”, thuhet në shkrimin e botuesit.
