Shembja e urës shekullore të Orgockës në Kolonjë 5 vjet më parë, si pasojë e reshjeve të shumta ka bërë që ky monument kulture të humbasë përfundimisht si objekt por edhe vlerat e mëdha kulturore dhe historike që ai mbart.
Ura, e cila daton në fund të shekullit të 17 ishte shembur pjesërisht para viteve ‘90, ndërsa pjesa e mbetur është marrë nga rrjedha e lumit vitet e fundit duke bërë që banorët të bllokohen në ditët kur ka reshje të mëdha dhe të rrezikojnë seriozisht jetën pasi në raste emergjencash kalojnë sërish aty si e vetmja mënyrë që i lidh me Kolonjën e më pas Korçën.
Edhe pse e trajtuar gjerësisht në mendia dhe e premtuar se do të ringrihej, në fakt edhe sot e kësaj dite ura është në të njëjtën gjendje në mos më keq. Kryebashkiaku i Kolonjës u zotua që do kërkonte mbështetjen e Ministrisë për këtë urë, por duket se kjo e fundit, ministria nuk e vuri ujin në zjarr për këtë urë dhe banorët e saj.
Ndërtimi sipas të dhënave i përket periudhës osmane dhe përveçse një monument kulture i kategorisë së parë ura shërbente për vite e vite me readhë edhe për lidhjen e disa fshatrave në zonë.
Pas rrënimit së kësaj ure për instancat mbetet domosdoshmëri rindërtimi i saj në aspektin funksional pasi ajo shërben për të lidhur disa fshatra dhe është e vetmja mundësi kalimi për banorët ashtu si rindërtimin e saj do të rikemi një tjetër sit të rëndësishëm kulturor dhe historik për vizitorët e huaj që për hir të së vërtetës kësaj zone nuk i mungojnë.
