Të tilla tabela mund t’i shohësh kudo nëpër bizneset e Korçës. Për drejtuesin e portalit online të punësimit “Korça Info Shop” Krenar Myrteza mungesa e punëtorëve këtë sezon vere është i dukshëm në juglindje, çka ka sjell “paralizë” në disa prej bizneseve.
“Ky është viti më i keqi në këto 4 vitet e fundit që ne jemi duke u marrë me këtë punë. Ka mungesë të theksuar të personave që duan të punojnë dhe ka kërkesë shumë të madhe të bizneseve që kërkojnë punonjës. Ka disnivel le të themi sepse realisht pagat po rriten në qarkun e Korçës”.
Por pse po ndodh ky fenomen?
E para është sezoni që tashmë është sezon vere e shumica e këtyre personave sidomos në sektorin e hoteleri turizmit shkojne ne Greqi, jug të Shqipërisë dhe Maqedoni. Ka një largim masiv të të rinjve drejt zonave të ndryshme të Shqipërisë dhe Izraeli, Kanadaja, Greqia dhe UK që ka shumë persona nga Korça që kane ikur. Kjo bën që të kemi një mospërputhje të kërkesës dhe ofertës, kemi kërkesë puntore por ska punëtorë.
Për profesorin Klajdi Pllaha, kjo situatë vjen për 3 shkaqe kryesore.
- “E para është emigracioni, nuk mund të mohohet. Forca më e madhe puntore, grupmosha nga 18-40 po emigron në formë masive dhe kjo ka krijuar një boshllëk të madh në punësim.
- E dyta mendoj se janë pagat dhe kushtet e punës. Qeveria reklamon me të madhe se u rrit paga minimale por ne nuk e dimë ne realitet a zbatohet kjo. Si në fushën e turizmit dhe fasonerive. Mendoj se ka shumë biznese që nuk e respektojne pagën minimale duke gjetur dhe mekanizma joligjore.
- E treta janë kushtet e punës. A paguhet ora shtesë? A kanë ditën pushim punëtorët? A kanë pushime vjetore? Të gjitha këto bëjnë që të demotivohen të rinjtë për të punuar”.
Teksa Korça dhe rrethinat e saj presin nje fluks turistësh në muajin Gusht, mesa duket shumica e bizneseve ende nuk janë gati me personelin e duhur.
