Disa ditë më parë Kolibri.al ngriti problematikën e braktisjes së fshatit Lavdar në Bashkinë e Korçës. Braktisje e cila ndodhe prej vitesh pasi banorët kanë vujatur mungesën e shërbimeve elementare, por që më kryesorja është infrastruktura rrugore e cila ndër vite nuk arrin dot të marrë një investim të qenë për të lehësuar lëvizjen e banorëve drejt Korçës.
Reagimi në rrjet ishte i lartë dhe sigurisht nuk kishte se si të mos binte në veshin e Bashkisë Korçë.
Sot në profilin e tij Kryebashkiaku Sotiraq Filo publikoi nisjen e punimeve për rehabilitimin e rrugës së Lavdarit, një punë pozitivie për banorët e zonës. Sigurisht që kërkohet asfaltim, por deri atë ditë mirëmbajtja e këtij aksi është për tu përshëndetur. Kjo është fuqia e medias dhe jemi të kënaqur që publikimet tona shkojnë në veshin e duhur.
Postimi i Sotiraq Filos;
Filluam punën për çakullimin dhe sistemimin e rrugës së Lavdarit të vjetër, e cila do të lehtësojë lëvizjet e banorëve të këtij fshati.
