“Beach Volley“ ose volejbolli në rërë në Pogradec ka emra. Nëse do përmendësh këtë sport në Pogradec do të të thonë menjëherë emrin e Llazi Kërxhallit dhe Odetës, të cilët pandashmërisht dhe me pasion sollëm në qytet kampionate kombëtare dhe ndërkombëtare me markën “Made in Pogradec“.
Nëse dikush do tentojë t’i zëvendësojë këta emra, thjeshtë po kërkon “humbjen” me lupë.
Prej vitit 1994 ndeshjet në bregliqen u shndërruan në një aktivitet argëtues jovetëm për pogradecarët por edhe për pushuesit të ardhur nga qytete të ndryshme të Shqipërisë. Nuk mungonin edhe turistët e huaj të cilët pushimet e verës i kalonin në Pogradec.
Profesor Llazi e shikonte këtë sport më shumë se argëtim në rërën e nxehtë të gjolit. Me iniciativën personale të tij dhe mbështetjen e badhkëshortes zyrtarizoi në Komitetin Olimpik Shqiptar skuadrën e Pogradecit, gjë e cila rrugën zhvillimit të turneve kombëtare e ndërkombëtare. Skuadrat e drejtuara prej tij dhe bashkëshortes Odeta Kërxhalli, kanë fituar kampionate kombëtare si dhe ballkanike.
Falë punës pasionante Llazi dhe Odets stërvitën një dyshe vajzash pogradecare Olina Mato dhe Denisa Maçolli.
Në vitin 1995-1996 Çifti Maçolli – Mato u caktuan nga Federata e Beach Volley Shqiptar për të përfaqësuar Shqipërinë në Kampionatin Europian gjë që nuk u realizua për arsye fondesh. Por suksesi jashtë kufijve do të vinte me një tjetër dyshe dhe në vitin 2004.
Dyshja Polina Ambo dhe Dorina Hoxhalli do të shpalleshin nënkampione të Ballkanit. Ndeshjet zhvilloheshin paradite dhe pasdite ç’ka e shndërronin bregun e liqenit një zonë të ku jovetëm argëtoheshe por edhe dashur pa dashur bëheshe tifoz.
Nëse i referohemi rezultateve:
- Viti 1995, 1996,1998 Kampion Kombëtar për të reja dhe të rritura;
- 1999, 2000, 2001 nënkampionë kombëtarë për të dyja kategoritë;
- 2002, 2003, 2004 kampione Kombëtare;
- 2004 nënkampione të Ballkanit për të rritura;
- 2005 nenkampione Kombëtare.Dhe në vitin 2005 në Feriz vajzat pogradecare Semiralda Xhelo, Denisa Kllogjeri dhe Poljana Ambo me Dorjana Hoxhalli do të shpalleshin kampione dhe nënkampione të këtij kampionati;
- 2006 nënkampion Kombëtar;
- 2009 nenkampione Kombetare
Edhe sot e kësaj dite nëse del përgjatë liqenit, do e gjesh Llazin që herë në mëngjed tek fusha e rërës, pastron dhe lag rërën duke e bërë gati për stërvitje. Edhe pse vitet e fundit i ka munguar mbështetja monetare, ai nuk e lë e vazhdon vetë ashtu pa kacidhe leku, por me pasion.
Ai nuk plaket, por nëse do ta linte këtë pasion me siguri që do të cilësohej si pensionist, prandaj sa të kem fuqi unë do jem këtu thotë ai. Emri i të cilit tashmë qëndron pas volejbollit të rërës.
