Një 12 vjeçare është gjetur e varur në kasollen pranë banesës së saj. Ngjarja e rëndë ka ndodhur në fshatin Buzaisht të njësisë administrative Velçan dhe deri tani ka pak informacion zyrtar për ngjarjen e rëndë.
Burime të siguruara thanë se 12 vjeçarja është gjetur pajetë nga gjyshja e saj, e cila menjëherë ka lajmëruar të afërmit e familjes. Mësohet se prindërit e vajzës minorene jetonin të ndarë pasi kishin disa vite të divorcuar dhe 12 vjeçarja banonte me babain dhe njerkën.
Të njëjtat burime thanë se familja nuk kishte probleme ndërkohë që ashtu siç thanë se 12 vjeçarja nuk ka shfaqur asnjëherë shqetësimin më të vogël.
Grupi i hetimit është duke shkuar në vendin e ngjarjes pasi zona është e thellë dhe malore ndaj e pritet mbyllja e hetimit dhe ekspertiza përfundimtare për të hedhur dritë më shumë për këtë ngjarje
