Korçë; Kapen dy shtetas të shpallur në kërkim nga policia prej datës 10 gusht.
Vëllezërit Dhimitër dhe Mateo Dadushi janë konfliktuar mbrëmjen e datës 10 me një shtetas, për motive të dobëta. Ndërsa njëri prej tyre ka qëlluar me armë zjarri në ajër dhe janë larguar nga vendngjarja.
Ata kanë rënë në gjurmët e policisë dhe janë kapur mbrëmjen e sotme, ndërkohë që pritet të dalin para togave të zeza për t’u njohur me masën e sigurisë.
Ky është njoftimi i para një jave;
Njoftimi i policisë:
- Vëllezërit Dh. D. dhe M. D., për motive të dobëta ishin konfliktuar me shtetasin F. R. Gjatë konfliktit dyshohet se njëri prej vëllezërve, ka qëlluar me armë zjarri në ajër dhe më pas janë larguar nga vendngjarja, sapo kanë konstatuar Policinë.
- Policia ka identifikuar dhe shpallur në kërkim dy vëllezërit, ka rrethuar zonën dhe vijon ndjekjen me qëllim kapjen e tyre.
Grupi hetimor ndodhet në vendngjarje dhe po punon për sqarimin e plotë dhe dokumentimin e rrethanave të ngjarjes.
Mësohet se vëllezërit janë kapur në qytetin e Pogradecit, ku dyshohet se janë fshehur prej ditësh.
