Pustec; Zjarr në pyllin e fshatit Zaroshkë të bashkisë së Pustecit. Zjarri ka përfshirë një sipërfaqe jo të vogël të këtij pylli, madje burimet bëjnë me dije se zjarri ka qenë shumë afër kishës së këtij fshati ndërkohë që ka përshkruar dhe një pjesë të barishteve të varreve.
Ka qenë ndërhyrja e shërbimit zjarrfikës, bashkisë Pustec, punojësit e shërbimit dhe banorët ata që kanë bërë të mundur izolimin dhe shuarjen e vatrës së zjarrit. Policia po heton për ngjarjen pasi ka dyshime se zjarri mund të ketë qenë i qëllimshëm por nuk përjashtohet mundësia të ketë qenë dhe aksidental, nisur dhe nga fakti që zjarri ka përshkruar dhe varrezat e fshatit Zaroshkë.
Për këtë policia nuk e përjashton mundësinë e një zjarri aksident nga pakujdesia e banorëve që mund të kenë lënë qirinj ndezur në varret e të afërmve të tyre.
