Dyshja e vajzave rumune dhe dyshja e djemve turq janë fituesit e kampionatit ballkanik të volejbollit të rërës në qytetin e Pogradecit. Ky kampionat i këtyre përmasave u rikthye në Pogradec pas më shumë se 20 vitesh, duke sjellë 3 ditë sportive me adrenalinë, garë të fortë dhe mbi të gjithë duke mbledhur sportdashës të shumtë nga gjithë Shqipëria. Pogradeci është një qytet që ka traditë në këtë lloj sporti dhe nisur edhe nga prania e turistëve u përzgjodh që të organizonte këtë kampionat tha Ervin Dosti sekretar i FSHV.
Rumania përballë Kosovës dhe Turiqa përballë Moldavisë ishin finalet, sportistët folën për garë tepërtë fortë por në fund do të fitonin më të mirët në fushën e rërës.
Ky është kampionati i parë që zhvillohet në Pogradec pas marrveshjes së përbashkët që ka mënshkruar FSHV dhe Bashkia e qytetit për të vijuar me të tjera kampionate në të ardhmen, pasi të ketë përfunduar rikonstruksioni i pallatit të ri i lojrave me dorë.
